O‘QISH SAMARADORLIGINI MODULLI TA’LIM SHAROITIDA OSHIRUVCHI INTERFAOL METODLAR

Abstrak

Mazkur maqolada modulli ta’lim sharoitida boshlang‘ich sinf o‘quvchilarining o‘qish samaradorligini oshirishda interfaol metodlardan foydalanishning pedagogik imkoniyatlari ilmiy jihatdan tahlil qilingan. Tadqiqot jarayonida o‘qish samaradorligi tushunchasining mazmun-mohiyati ochib berilib, uning o‘qish tezligi, matnni ongli tushunish va tahliliy fikrlash bilan uzviy bog‘liqligi asoslab berilgan. Modulli ta’limning o‘qish jarayonini tashkil etishdagi didaktik afzalliklari yoritilib, interfaol metodlarning o‘quvchilar bilish faolligini oshirishdagi o‘rni ko‘rsatib berilgan. Tadqiqot natijalari modulli ta’lim asosida interfaol metodlar qo‘llanilgan darslar o‘quvchilarning o‘qishga bo‘lgan qiziqishini kuchaytirishi, mustaqil ishlash ko‘nikmalarini rivojlantirishi hamda o‘qish samaradorligini oshirishda muhim pedagogik omil ekanligini tasdiqlaydi.